Cerdd: Torrydd 1. Tu hwnt i’r map - Iestyn Tyne

Yn ein rhifynnau print, rydym yn cynnal colofn o'r enw Y Labordy, sydd yn herio awduron a beirdd i fynd y tu hwnt i'w cyfryngau arferol wrth greu. Wrth weithio ar gylchgrawn Y Stamp, fe ddes i'n fwy cyfarwydd â gwaith beirdd torrydd fel Rhys Trimble, a dyma feddwl mynd ati efo siswrn i drio creu rhywbeth fy hun. Fe gewch chi farnu a fu'r arbrawf yn llwyddiant ai peidio!

Torrydd 1. Tu hwnt i'r map.

(Geiriau a chymalau byrion wedi eu torri o: ‘Y Gwanwyn’, ‘Claddu’r Bardd o Gariad’, Dafydd ap Gwilym; Gwybodaeth yr Ymddiriedolaeth Genedlaethol ar Barc Cenedlaethol Bannau Brycheiniog; Y Ffordd yng Nghymru, R. T. Jenkins; Cerddi Pentalar, Alun Cilie)

awyr dywyll…

lawrlwythwch daith

dilynwch y llwybr

pair dadeni naturiol

coed carno a choed herbert…

coed gwern

bedw irion

criafol

deri

blodau’r milwr blodau’r gwynt

blodau’r gog;

yn hytrach na marw

yn parhau i dyfu

ger

ffin hynafol adar mudol y goedwig

telor y coed aflonydd ei lais

siff saff yn y llwyn glas

tingoch ar brenfrig

lle

mae’r gweddill wedi mynd yn adfeilion

hen lwybr porthmon

“sut le ydi llunden?”

eidion i berfeddion

lloegr

bardd coed a chywydd

ffens yn troi cornel

caer y rêp a’r cêl

corlannau carreg

craith

rhannu ac ail rannu tir

giât mochyn…

coed ffenics yn

claddu

ffermdai

tafarndai

bragdy

mewn bedd.

rydych wedi cyrraedd.