Yn 2024, bu i Gyhoeddiadau’r Stamp weithio mewn partneriaeth ag Eisteddfod yr Urdd i gynhyrchu pamffledi unigol waith buddugol y prif gystadlaethau llenyddol: Drama fer y Fedal, Cerdd y Gadair, a Stori Fer y Goron. Buom yn angerddol am y syniad o wneud hyn ers tro, er mwyn rhoi llwyfan teilwng i waith llenyddol Eisteddfod yr Urdd, a chawsom y cyfle i wireddu hynny gyda chefnogaeth ariannol lawn gan yr Eisteddfod.

Eleni eto, yn Eisteddfod yr Urdd Dur a Môr 2025, rydym yn bwriadu parhau gyda’r arbrawf. Y tro hwn, gyda chostau yn parhau i gynyddu, ac er mwyn sicrhau cynaladwyedd y fenter o gyhoeddi’r gwaith, mae’n angen i Gyhoeddiadau’r Stamp godi’r arian sydd ei angen i gynhyrchu’r pamffledi.

Rydym felly’n apelio arnoch chi, ddarllenwyr llenyddiaeth Gymraeg, i danysgrifio i’r gyfres hon, a sicrhau dyfodol cynaladwy i’r fenter o gyhoeddi - am y tro cyntaf yn aml - waith llenorion ifanc disglair, amrywiol.

Am ddim ond £15 y flwyddyn, cewch:

• gopi digidol o’r pamffled i’ch cyfeiriad e-bost o fewn awr i ddiwedd y seremoni

• gopiau o’r 3 pamffled print yn y post yr wythnos wedi’r eisteddfod (ac ad-daliad dan yr amgylchiadau prin o atal unrhyw un o’r gwobrau)

• eich enw yn ymddangos ar restr yng nghefn yr holl bamffledi, fel arwydd o’n diolchgarwch

Cliciwch ar y botwm SUBSCRIBE i gefnogi heddiw: