Ar gyfer pob rhifyn o FFOSFFORWS, cyfnodolyn barddoniaeth Cyhoeddiadau’r Stamp, rydym yn gofyn i olygydd gwadd gwahanol ymgymryd a’r gwaith o ddewis a dethol y cerddi a gyhoeddwn. Rydan ni’n falch eithriadol o gyhoeddi mai golygydd gwadd Rhifyn 2 fydd Mari Elen.

Mae’n bleser gennym ddwbl-ddatgelu cloriau cyfrolau newydd o farddoniaeth gan Grug Muse ac Iestyn Tyne, fydd yn glanio ar 20 Hydref.

Ar gyfer pob rhifyn o FFOSFFORWS, byddwn yn gofyn i olygydd gwadd gwahanol ymgymryd a’r gwaith o ddewis a dethol y cerddi a gyhoeddwn. Rydym yn falch iawn o rannu’r newyddion mai golygydd gwadd Rhifyn 1 fydd Ciarán Eynon.

Mae’n bleser rhannu mai pendil gan John G. Rowlands yw cyfrol unigol nesaf Cyhoeddiadau’r Stamp; dyma gyfrol o haiku, senryū a cherddi byrion eraill gan arloeswr o fardd sydd â’r ddawn i grisialu ennyd mewn amser gydag ychydig iawn o eiriau.

Y pamffled nesaf a gyhoeddir gan Gyhoeddiadau’r Stamp fydd Triongl, casgliad o bymtheg cerdd gan bymtheg bardd mewn ymateb i ddelweddau gan y ffotograffydd Lena Jeanne o Borthaethwy. Mae Triongl yn cynnwys cerddi Cymraeg, Saesneg a Gwyddeleg gan Annes Glynn, Ciara Ní É, Caryl Bryn, Catrin Menai, Glyn F. Edwards, Lowri Hedd, Marged Elen Wiliam, Mari Elen, Morwen Brosschot, Roísín Sheehy, Rhys Trimble, Siân Miriam, Yasus Afari a Zoë Skoulding. Curadwyd a golygwyd y casgliad gan Iestyn Tyne.

Mi fydd gwefan arferol ac archif cynnwys ar-lein y Stamp i lawr am gyfnod, wrth i ni symud oddi wrth Wix, at ddarparwr gwefannau sydd ddim yn cefnogi apartheid yn Israel.

Y mae dogfennaeth glir a diamheuol fod polisïau llywodraeth Israel yn cyflawni troseddau yn erbyn dynoliaeth wrth gynnal stad apartheid yn Israel a Phalesteina. Mae’r polisi bwriadol o barhau i adeiladu gwladychfeydd anghyfreithlon ar dir Palesteinaidd yn difa unrhyw obaith am broses heddwch yn y dyfodol. Mae bywydau Palesteinaidd o bwys.

Mae Stwff ma hogia 'di ddeud wrtha fi gan Llio Elain Maddocks ar ei ffordd o'r wasg ac mi fyddwn ni'n dathlu gyda noson arbennig o farddoniaeth gan leinyp o feirdd anhygoel fydd yn ymuno â Llio i berfformio eu gwaith: Ciara Ní É, Elen Ifan, Jaffrin, Mari Elen a Taylor Edmonds.

Braint i'r Stampwyr yw gallu cyhoeddi manylion digwyddiad yn Nulyn fydd yn cynnwys barddoniaeth yn Gymraeg, Gwyddeleg a Saesneg. Curedir y prosiect gan Y Stamp a REIC - noson ar gyfer barddoniaeth gair llafar a rap mewn Gwyddeleg - mewn cydweithrediad â Chelfyddydau Rhyngwladol Cymru.

moroedd/dŵr, pamffled cysyniadol o gerddi gan Morgan Owen, yw enillydd cyntaf categori newydd am farddoniaeth mewn ieithoedd Celtaidd yng Ngwobrau Barddoniaeth Michael Marks, a noddir gan y Michael Marks Charitable Trust.

Mae casgliad llawn cyntaf Morgan Owen yn ein tywys trwy strydoedd dinesig, tirluniau ôl-ddiwydiannol a choedwigoedd hynafol. Mewn iaith gyfoethog ceir canu natur cignoeth, a myfyrdodau sy’n ein tywys at ymylon y rhith-fyd a thu hwnt.

Mae dim eto yn casglu ynghyd ddarnau o waith celf gweledol sy’n wrthodedig gan yr artistiaid eu hunain – hynny yw, dyma gelf nad yw’r artistiaid yn hollol hapus gydag ef neu gelf na fydden nhw fel arfer yn dangos i’r cyhoedd.

Bydd Cyhoeddiadau’r Stamp yn lansio’r casgliad cyhoeddedig cyntaf o waith y bardd Morgan Owen yng Ngŵyl Arall, Caernarfon. Mae moroedd/dŵr yn ddilyniant cysyniadol ar ffurf pamffled, ac fe ddaw o’r wasg fisoedd yn unig cyn cyhoeddi cyfrol gyntaf Morgan, Bedwen ar y Lloer.

Mae’r Stamp yn falch iawn o gyhoeddi bod ein gwaith chwilota a chwilmentan am aelod newydd o’r criw golygyddion ar ben a bod Esyllt Lewis wedi ei phenodi fel golygydd newydd sbon.

Wel, mi ddaeth hi’n bryd i lansio rhifyn print arall o’r Stamp. Dyma’r pedwerydd rhifyn llawn, ac unwaith eto, da ni’n falch iawn o’i gyflwyno fo i chi.

Fel yr ydan ni eisoes wedi ei gyhoeddi ar y cyfryngau cymdeithasol, mi fydd y lansiad yn digwydd am 20:00 ar nos Iau y 29ain o Fawrth yn Y Llofft yn Nhafarn y Fic, Llithfaen gyda mynediad yn £3.00.

Seiniwch rhyw fath o utgyrn a thaniwch gwpwl o party poppers… mae gennym GYHOEDDIAD!

Mae’n braf gennym fel golygyddion ddatgelu o’r diwedd manylion lansiad ein rhifyn print cyntaf, a fydd yn Nhafarn y Cwps, Aberystwyth ar y 23ain o Fawrth. Bydd y drysau’n agor am 7.30 ymlaen, gyda’r noson o ddarlleniadau, dathlu, dawnsio a cherddoriaeth yn dechrau am 8.